[品味人間]
上集介紹過西環一間環境一流既餐廳，如果比較偏好英式口味既朋友，呢間Shoreditch可能會比較岩你既口味！
先講前菜，佢既炸釀雞翼本身已經好香，不過佢個mayonnaise 汁先係神來之筆！小小辣，同炸雞翼簡直係天衣無縫！大磨菇沙律都係值得推介！
講到主菜，我覺得個Field Mushroom Pasta絕對係真心推介！用磨菇打醉，磨菇味好味，配合chives同個香滑既cream sauce, 真係令人一再回味！至於個sea bass好滑，個汁都好creamy! 不過味道就相對係清淡左小小！
至於British pub好出名既mixed grill，呢度都有，款式都幾多，有豬牛羊雞煙肉腸仔洋蔥圈！岩哂一眾既食肉獸！英國既mixed grill通常都唔會醃過，所以肉既新鮮程度同質素係好緊要咖！呢度既mixed grill既肉，肉質好，而且仲保留到肉汁！唔錯咖！只係塊牛太熟，控制得差左小小噃！至於個焗豬肉，講真我會覺得中式燒肉比較好食，唔叫都無損失！
呢間餐廳消費相對比較貴，人均消費大約為HKD$300-400。
餐廳係夜晚有好多人係度飲酒傾計，食完飯不妨叫杯啤酒同朋友傾下計，感受下英式pub既情懷！
Shoreditch (西環)
西環堅尼地城吉席街18號地舖
Search